കോട്ടയം: പൊതുവിദ്യാഭ്യാസ സംരക്ഷണ യജ്ഞത്തിന്റെ തുടർച്ചയായി വിദ്യാകിരണം പദ്ധതിയിൽ സി എസ് ആർ ഫണ്ട് സമാഹരിച്ച് ഭൗതിക സൗകര്യങ്ങൾ വർധിപ്പിക്കുന്നതിന്റെ ഭാഗമായി ഭിന്നശേഷി കുട്ടികൾക്കായി കോട്ടയം ഈസ്റ്റ് ബി ആർ സിയിൽ പാരഗൺ പ്രൈവറ്റ് ലിമിറ്റഡിൽ നിന്നും 55 ലക്ഷം രൂപ മുതൽമുടക്കുള്ള പുതിയ ഓട്ടിസം പാർക്ക് നിർമ്മാണം പൂർത്തിയായി. ഓട്ടിസം പാർക്കിൻ്റെ ഉദ്ഘാടനം ബഹു. ജില്ലാ കളക്ടർ വി. വിഗ്നേശ്വരി നിർവ്വഹിച്ചു.

പാരഗൺ പ്രൈവറ്റ് ലിമിറ്റഡിന്റെ മാനേജിങ് ഡയറക്ടർ റെജി കെ ജോസഫ്, സമഗ്ര ശിക്ഷ കേരളയുടെ അഡിഷണൽ ഡയറക്ടർ കെ.എസ് ശ്രീകല, വിദ്യാകിരണം കോഡിനേറ്റർ കെ.ജെ പ്രസാദ്, ഡിഡിഇ സുബിൻ പോൾ തുടങ്ങിയവർ നേതൃത്വം കൊടുത്തു